KUYASHQA YACHATSIKUQ (Harawi)

Kuyay shunquyuq yachatsikuq,

intinaw atsikyar yachay wayiman chaariptiki,

wamrakunapis kushishqam shuyayaashunki,

kushilla rimakur llakinaykitapis qunqarinki.

Yachay wayikipis punkunta kushilla kicharamun,

waytakunapis rikaariyaashurniki muyuykachaayan,

urpikunapis kushishqam hananchaw paarikachaayan,

killapis kushishqam purikunaykita aktsiiramun.

Kuyakuq shunqullaykiwan yachatsikuptiki,

wamrakunapis mamantanaw, taytantanaw rikaayaashunki,

hirka waqtanpa ayqillapa yurirkamuptiki

yachatsikuq chaaramushqa nishpa kushikachaayan.

                                                                Qillqaq: Zenaida Ramírez Palacios